عدالت نے شوہر قتل کیس میں قاتلہ بیوی کو عمر قید جبکہ آشنا کو سزائے موت سناتے ہوئے تادم مرگ پھانسی پر لٹکائے رکھنے کا حکم دے دیا۔
بدھ کو ایڈیشنل ڈسٹرکٹ اینڈ سیشن کورٹ راولپنڈی میں جج نادیہ اکرام ملک نے قتل کیس کا فیصلہ سنایا۔
عدالت نے شوہر کی قاتلہ بیوی کو عمر قید اور 4 لاکھ روپے جرمانہ جبکہ بیوی کے آشنا جنید بھٹی کو سزائے موت اور 4 لاکھ روپے ہرجانے کی سزا سنائی۔
عدالت ملزمہ اہلیہ ثانیہ کو قتل شواہد مٹانے کے جرم میں 7 سال قید اور 10 ہزار روپے جرمانہ جبکہ سازش و قتل کے جرم میں 7 سال قید اور 10 ہزار روپے جرمانہ عائد کیا گیا جبکہ آشنا مجرم جنید کو گھر داخل ہونے کے جرم میں 7سال قید اور 10ہزار روپے جرمانے کی سزا سنائی گئی۔
عدالت نے حکم دیا کہ مجرم کو اس وقت تک پھانسی پر لٹکایا جائے جب تک موت نا ہو۔
مجرمان کو سزا سنائے جانے کے بعد اڈیالہ جیل منتقل کردیا گیا۔
