اسرائیل کے وزیر دفاع اسرائیل کاٹز نے کہا ہے کہ حکومت کا غزہ میں نئی یہودی بستیاں بسانے کا کوئی ارادہ نہیں ہے۔
غیر ملکی خبر رساں اداروں کے مطابق اسرائیلی وزیر دفاع کے ایک حالیہ بیان کے بعد تاثر پیدا ہوا کہ اسرائیل مستقبل میں غزہ میں دوبارہ آبادکاری چاہتا ہے جس پر شدید ردِعمل سامنے آیا، بعد ازاں اسرائیلی وزیر دفاع نے اس تاثر کو رد کرتے ہوئے غزہ میں دوبارہ اسرائیلی آبادکاری کے امکان سے متعلق اپنے بیان کی وضاحت کی اور کہا کہ انکے الفاظ کو غلط انداز میں پیش کیا گیا، غزہ میں فوجی موجودگی کا ذکر صرف سکیورٹی تناظر میں تھا اور اسکا مقصد اسرائیلی شہریوں کو ممکنہ خطرات سے بچانا ہے نہ کہ وہاں شہری بستیاں قائم کرنا۔
دوسری جانب حماس کے ترجمان حازم قاسم نے اسرائیلی وزیر دفاع کے بیان کو جنگ بندی معاہدہ کی خلاف ورزی قرار دیتے ہوئے کہا کہ یہ امریکی صدر ڈونلڈ ٹرمپ کے امن منصوبے کے بھی خلاف ہے۔
