انگلینڈ کرکٹ ٹیم کے کھلاڑیوں کی جانب سے حد سے زیادہ شراب نوشی کرنے پر منیجنگ ڈائریکٹر راب کی نے تحقیقات کرنے کی یقین دہانی کرا دی ہے۔
آسٹریلیا کیخلاف ایڈیلیڈ ٹیسٹ سے قبل انگلینڈ کے کھلاڑیوں نے کوئنز لینڈ میں چھٹیاں منائیں جہاں کھلاڑیوں کی تفریحی ساحلی مقام نوسا میں حد سے زیادہ شراب پینے کی خبریں سامنے آئی تھیں اس سلسلے میں انگلینڈ کرکٹ ٹیم کے منیجنگ ڈائریکٹر راب کی نے میڈیا سے گفتگو میں کہا ہم معاملے کا جائزہ لینگے کہ اصل صورتحال کیا ہے، اگر کھلاڑیوں نے حد سے زیادہ الکوحل پی ہے تو ضرور اس معاملے کو دیکھیں گے، کھلاڑیوں کے زیادہ الکوحل پینے کی کسی طور پر توقع نہیں کی جا سکتی، انگلینڈ کے کھلاڑی بڑا اچھا رویہ رکھتے ہیں، میں نے چھٹیوں کے دوران بھی ایسے ہی رویہ کا سنا، میں نے کھلاڑیوں کے رویہ اور الکوحل پینے کے بارے میں پڑھا ہے، اگر ایسا ہے تو یہ ناقابل قبول ہے، ہم نوسا ٹرپ کیخلاف نہیں، برینڈن میکلم ایک اچھے کوچ ہیں، انکا ٹیسٹ کا ریکارڈ اچھا ہے۔
