فیشن شو میں ریمپ واک کرنے پر پاکستانی اداکارہ نعیمہ بٹ تنقید کی زد میں آگئی اور سوشل میڈیا پر صارفین نے آڑھے ہاتھوں لیا۔
نعیمہ بٹ نے حال ہی میں برائیڈل کٹیور ویک میں بطور سیلیبریٹی شو سٹاپر شرکت کرتے ہوئے ڈیزائنر کی فیوژن ساڑھی میں ریمپ پر واک کی اور اپنے مشہور کردار رباب کا انداز اپناتے ہوئے انگلی اٹھا کر چلنے کی اداکاری بھی کی تاہم سوشل میڈیا صارفین نے نوٹ کیا کہ ریمپ پر انکا انداز کچھ حد تک پھیکا اور غیر دلچسپ دکھائی دے رہا تھا، ویڈیو وائرل ہوتے ہی نعیمہ بٹ کی واک سوشل میڈیا پر تنقید کی زد میں آ گئی، کئی صارفین نے انکے انداز پر سوالات اٹھائے، ایک صارف نے لکھا کیا کسی نے انہیں زبردستی ریمپ پر بھیجا ہے، ایک اور تبصرہ تھا کہ ایسا لگ رہا ہے جیسے امی نے برتن دھلوانے کیلئے باہر بھیج دیا ہو جبکہ ایک صارف نے کہا یہ واک کسی مردانہ انداز جیسی لگ رہی ہے۔
مجموعی طور پر سوشل میڈیا پر انکی ریمپ واک کو ملا جلا ردعمل ملا جہاں کچھ لوگوں نے تنقید کی وہیں کچھ مداحوں نے اسے کردار سے جڑا ایک مختلف انداز قرار دیا۔
