ہانگ کانگ(شِنہوا)ہانگ کانگ خصوصی انتظامی علاقے (ایچ کے ایس اے آر) میں چینی وزارت خارجہ کے کمشنر آفس نے 17 اور 18 دسمبر کو متعدد قونصل خانوں کے نمائندوں، جن میں امریکہ اور برطانیہ شامل ہیں، کے ساتھ ساتھ ہانگ کانگ میں موجود متعلقہ تنظیموں کے نمائندوں کو طلب کیا اور جمی لائی کے مقدمے میں قانونی فیصلے کے حوالے سے ان ممالک اور تنظیموں کے عہدیداروں اور سیاستدانوں کے مداخلت پر مبنی بیانات کے خلاف سخت احتجاج ریکارڈ کرایا۔
کمشنر آفس نے گہری تشویش اور سخت مخالفت کا اظہار کرتے ہوئے ان ممالک، تنظیموں اور سیاستدانوں پر زور دیا کہ وہ بین الاقوامی قوانین اور بین الاقوامی تعلقات کے بنیادی اصولوں کی پابندی کریں، چین کی خودمختاری اور ہانگ کانگ میں قانون کی بالادستی کا احترام کریں اور کسی بھی شکل میں ہانگ کانگ کے امور اور چین کے داخلی معاملات میں مداخلت سے باز رہیں۔
