بیجنگ(شِنہوا)چین اور یورپی یونین (ای یو) نے الیکٹرک گاڑیوں کے معاملے پر مشاورت کا آغاز کر دیا ہے۔
وزارت تجارت کے ترجمان حہ یادونگ نے معمول کی پریس بریفنگ میں بتایا کہ چین کے اصول اور موقف بدستور یکساں ہیں اور چین مکالمے اور مشاورت کے ذریعے یورپی یونین کے ساتھ اختلافات کو مناسب انداز میں حل کرنے کے لئے تیار ہے تاکہ پوری صنعت کے لئے ایک جامع حل کو آگے بڑھایا جا سکے۔
ترجمان نے کہا کہ چین کو امید ہے کہ یورپی یونین بھی چین کے ساتھ اسی سمت میں کام کرے گی، دونوں فریقین کی قیادت کے درمیان طے پانے والے اہم اتفاق رائے پر موثر عملدرآمد کرے گی اور خلوص نیت کا مظاہرہ کرے گی۔
