انگلینڈ کے سابق کپتان مائیکل وان نے انکشاف کیا ہے کہ وہ آسٹریلیا کے شہر سڈنی کے ساحل پر فائرنگ واقعہ کے وقت ایک ریسٹورنٹ میں بند تھے، انکا کہنا تھا کہ ریسٹورنٹ میں بند ہونا بہت خوفناک تھا، ہم محفوظ گھر پہنچے، ایمرجنسی فورسز اور دہشتگردوں کیساتھ لڑنے والے کا شکریہ ادا کرتا ہوں۔
انہوں نے کہا کہ ریسٹورنٹ کا بانسر ہاتھ میں گن پکڑے میرے پاس آیا اور مجھے اندر جانے کو کہا، ہم حملے سے چند سو قدموں کے فاصلے پر تھے، سائرنز کی اونچی آواز سنیں، سائرن کی آواز اکثر شارک کے حملے یا 2 نوجوانوں کی لڑائی کی وجہ سے سننے میں آتی ہے، ہمیں جلد پتہ چل گیا کہ یہ فائرنگ کا واقعہ ہے، بہت خوفناک منظر تھا، ہم 6 لوگ تھے، میں، میری اہلیہ ، اسکی بہن، میری دو بیٹیاں اور انکی سہیلی تھی، میں خود کو جتنا پر سکون رکھ سکتا تھا اتنی میں نے کوشش کی۔
