بالی ووڈ کی معروف اداکارہ عالیہ بھٹ کو ریڈ سی انٹرنیشنل فلم فیسٹیول کے 5ویں ایڈیشن میں گولڈن گلوبز ایوارڈ سے نوازا گیا۔
غیر ملکی میڈیا کے مطابق سعودی عرب کے شہر جدہ میں منعقد ہونیوالے ریڈ سی انٹرنیشنل فلم فیسٹیول میں تیونس کی اداکارہ ہینڈ صابری کو بھی گالا ڈنر میں اعزاز سے نوازا گیا۔
اس موقع پر عالیہ بھٹ نے فلموں کے ذریعے طاقتور اور مستحق خواتین کی مزید کہانیاں سنانے کیلئے اپنے عزم کا اظہار کیا اور کہا کہ گولڈن گلوبز عالمی ایوارڈز کی کائنات کا ایک اہم حصہ ہیں اور مجھے یہ ایوارڈ حاصل کرنے پر خوشی ہے، میں اسی طرح طاقتور اور مستحق خواتین کی مزید کہانیاں سنانے کیلئے اپنا کیریئر جاری رکھنے کی منتظر ہوں، انہوں نے بتایا اب راہا کا فوٹو گرافرز کیساتھ اپنا ایک منفرد رشتہ بن گیا ہے اور وہ اب اتنی بڑی ہوگئی ہے کہ مجھ سے پوچھتی ہے کہ میں کہاں جا رہی ہوں؟ کب تک گھر واپس آئوں گی، میری موجودہ زندگی زیادہ خوبصورت اور مصروف ہے جو نئی ذمہ داریاں اور تجربات سے بنی ہے۔
