پاکستان اور ایران نے علاقائی استحکام اور باہمی تعاون کو مزید مضبوط بنانے پر اتفاق کیا ہے۔
دفتر خارجہ کے مطابق نائب وزیراعظم و وزیر خارجہ سینیٹر محمد اسحاق ڈار نے گزشتہ شب ایرانی ہم منصب عباس عراقچی سے ٹیلی فونک رابطہ کیا جس میں پاک ایران دوطرفہ تعلقات، اقتصادی تعاون، سرحدی امور ،مشترکہ چیلنجز اور خطے کی تازہ ترین صورتحال پر تبادلہ خیال کیا گیا۔
دفتر خارجہ کے مطابق پر دونوں رہنمائوں نے باہمی دلچسپی کے امور پر ہونیوالی حالیہ اعلی سطحی ملاقاتوں اور رابطوں کو سراہا۔
فریقین نے قریبی مشاورت کے ذریعے علاقائی استحکام اور باہمی تعاون کو مزید مضبوط بنانے پر اتفاق کیا دونوں رہنمائوں نے رواں ہفتے ترکمانستان کے شہر اشک آباد میں ہونیوالے انٹرنیشنل فورم آف پیش اینڈ ٹرسٹ میں ایک دوسرے سے ملاقات کی امید بھی ظاہر کی۔
وزارتِ خارجہ کے مطابق اسحاق ڈارنے کہا کہ پاکستان ایران کیساتھ تعلقات کو اہمیت دیتا ہے اور مختلف شعبوں میں تعاون کو فروغ دینے کا خواہاں ہے۔
