وزیراعلی خیبرپختونخوا سہیل آفریدی نے کہا ہے کہ عدالتوں نے اپنے احکامات پر عمل نہ کروایا تو پھر ملک میں جنگل کا قانون ہوگا، تمام آئینی وقانونی راستے اپنا چکا بتایا جائے اب ایسا کونسا راستہ بچا جسے اپنا کر بانی سے ملاقات کرسکوں۔
اڈیالہ جیل کے باہر دھرنا ختم کرنے کے بعد میڈیا سے گفتگو کرتے ہوئے سہیل آفریدی نے کہا کہ عدالتی حکم کے باوجود مجھے اور دیگر رہنمائوں کو بانی پی ٹی آئی سے ملنے نہیں دیا گیا، کل پورا دن، پوری رات اور اب صبح ہو گئی، اجازت نہیں دی گئی ،ہم اسلام آباد ہائی کورٹ کے چیف جسٹس سے ملاقات کریں گے، انہیں بتائیں گے آپ کے 3 ججز نے باقاعدہ آرڈر دیئے پھر بھی ملنے نہیں دیا گیا۔
انہوں نے کہا کہ عدالتیں اپنے احکامات پر عملدر آمد نہیں کرواتیں تو پھر ملک میں جنگل کا قانون ہوگا۔
انہوں نے کہا کہ میں تمام آئینی اور قانونی راستے اپنا چکا ہوں، بتایا جائے ایسا کونسا راستہ بچا ہے جس کے بعد میں اپنے لیڈر سے ملاقات کر سکوں؟۔
