وزیراعلی پنجاب مریم نواز نے آرڈیننس 2025ء کے نفاذ کی ہدایت کرتے ہوئے بیوائوں کے قبضہ کیس فوری حل کرنے کا حکم دے دیا۔
ذرائع کے مطابق آرڈیننس کے تحت جائیدادوں پر ناجائز قبضے کیخلاف روزانہ مانیٹرنگ کرکے رپورٹ وزیراعلی کو پیش کی جائیگی، پنجاب میں ناجائز قبضے کیخلاف فوری حکومتی اقدامات کی اطلاع عوام تک پہنچانے کیلئے مساجد میں اعلانات کئے جائیں گے۔
وزیراعلی نے گجرات، لیہ، حافظ آباد اور دیگر اضلاع میں قبضے کے جلد فیصلے نہ ہونے پر ناپسند دیدگی کا اظہار کرتے ہوئے کہا کہ ناجائز قبضہ کیس کے جلد حل سے عوام کو فوری ریلیف دینا چاہتے ہیں، تمام ڈپٹی کمشنر ناجائز قبضہ کیس پر روزانہ اجلاس کریں، مانیٹرنگ خود کروں گی۔
وزیراعلی نے ہر تحصیل میں اسسٹنٹ کمشنر آفس میں بھی قبضے کیخلاف درخواستیں وصول کرنے کی ہدایت کی۔
