بلوچستان کے ضلع سبی و اطراف میں 3.1 شدت زلزلے کے جھٹکے محسوس کئے گئے جس سے عوام خوف و ہراس کا شکار ہو کر کلمہ طیبہ کا ورد کرتے گھروں سے باہر نکل آئے۔
زلزلہ پیما مرکز کے مطابق زلزلے کی گہرائی 10 کلومیٹر ریکارڈ کی گئی جس کا مرکز سبی سے 60 کلومیٹر دور شمال مشرق میں تھا۔
پی ڈی ایم اے کے مطابق زلزلہ سبی، ہرنائی اور دکی اضلاع کے درمیان پہاڑی پٹی میں آیا، زلزلے سے تاحال کسی قسم کے جانی و مالی نقصان کی اطلاع نہیں ملی۔
