ایف آئی اے امیگریشن نے اسلام آباد ایئرپورٹ پر ایک مسافر کو عمرہ ویزے کی آڑ میں غیر قانونی طور پر یورپ جانے کی کوشش کرتے ہوئے گرفتار کر لیا۔
ترجمان ایف آئی اے کے مطابق امیگریشن کلیئرنس کے دوران مسافر مشکوک معلوم ہوا جس پر انکو حراست میں لیا گیا، ابتدائی تفتیش میں معلوم ہوا کہ وہ سعودی عرب سے جعلی دستاویزات پر یورپ جانے کی کوشش کر رہا تھا اور مختلف ایجنٹوں سے رابطے میں تھا۔
تحقیقات سے یہ بات بھی سامنے آئی کہ مسافر کو رواں سال اٹلی سے غیر قانونی ہجرت پر ڈی پورٹ بھی کیا گیا تھا۔
ترجمان نے بتایا کہ مسافر کے موبائل فون سے ٹیمپرڈ ریزیڈنٹ کارڈ بھی برآمد ہوا۔
