برطانیہ نے امیگریشن کے نئے منصوبے کا اعلان کردیا ہے جس کے مطابق ملک میں مستقل رہائش کیلئے قیام کی مدت 5 کی بجائے 10 برس کردی جائیگی، برطانوی وزیر داخلہ شبانہ محمود نے پارلیمنٹ میں اظہار خیال کرتے ہوئے کہا کہ نئے مجوزہ قواعد کا اطلاق 2021 کے بعد برطانیہ آئے تقریباً 20 لاکھ افراد پر بھی ہوگا، مستقل رہائش کے خواہشمند افراد کا کریمنل ریکارڈ اور ان پر کوئی قرض نہ ہو، انہیں اے لیول کے معیار کی انگریزی بھی بولنا آنا چاہئے۔
انہوں نے واضح کیا کہ این ایچ ایس کیلئے خدمات سر انجام دینے والے ڈاکٹرز اور نرسیں پانچ برس بعد ہی مستقل رہائش کیلئے رجوع کرسکیں گے۔
وزیر داخلہ نے کہا کہ ذہین افراد فاسٹ ٹریک، زائد آمدنی اور انٹرپینیورز تین برس بعد ہی مستقل رہائش کیلئے اپلائی کرسکیں گے جبکہ غیر قانونی تارکین وطن کو مستقل رہائش کیلئے تین سال انتظار کرنا ہوگا۔
شبانہ محمود نے واضح کیا کہ برطانیہ میں ہمیشہ کیلئے آباد ہونا حق نہیں بلکہ استحقاق ہے جسے کچھ کرکے حاصل کرنا چاہئے۔
