پاکستان اور سلووینیا نے سیاسی مشاورت بارے مفاہمتی یاداشت پر دستخط کردیئے۔
ذرائع کے مطابق نائب وزیراعظم وزیر خارجہ سینیٹر اسحاق ڈار نے برسلز میں منعقد ہ یورپی یونین انڈو پیسیفک وزارتی فورم کے موقع پر جمہوریہ سلووینیا کی نائب وزیراعظم، خارجہ اور یورپی امور کی وزیر تنجا فاجون سے ملاقات کی۔
اس موقع پر سیکرٹری خارجہ آمنہ بلوچ اور یورپی یونین، بلجیم اور لکسمبرگ کیلئے پاکستان کے سفیر رحیم حیات قریشی بھی اس موقع پر موجود تھے۔
ملاقات میں دوطرفہ تعلقات، یورپی یونین کے وسیع تر فریم ورک کے اندر تعاون کو وسعت دینے، علاقائی و عالمی سلامتی سے متعلق پیشرفت پر تبادلہ خیال کیا گیا۔
فریقین نے باہمی دلچسپی کے مختلف شعبوں میں تعاون بڑھانے، امن و استحکام کے فروغ کیلئے مل کر کام کرنے کے عزم کا اظہار کیا۔
دونوں ممالک نے تجارتی و اقتصادی تعاون بڑھانے پر زور دیا۔
ملاقات میں پاکستان اور سلووینیا کے درمیان دوطرفہ سیاسی مشاورت سے متعلق ایک مفاہمت نامے پر بھی دستخط کئے گئے۔
