وزیراعلی خیبرپختونخوا سہیل آفریدی نے بانی پی ٹی آئی عمران خان سے ملاقات نہ کرانے پر تحفظات کا اظہار کرتے ہوئے وزیراعلی پنجاب مریم نواز کو خط ارسال کردیا۔
ذرائع کے مطابق خط میں عدالتی احکامات کے باوجود بانی پی ٹی آئی کی بہنوں کو ملاقات سے روکنے کو غیر انسانی، غیر اخلاقی اور عدالتی احکامات کی کھلی خلاف ورزی قرار دیا گیا ہے۔
ذرائع کے مطابق خط میں خواتین کیساتھ بدسلوکی کرنے والوں کے خلاف کارروائی کا مطالبہ کرتے ہوئے کہا گیا ہے کہ بانی پی ٹی آئی سے ملاقاتوں کیلئے باوقار اور قانونی نظام کا قیام عمل میں لایا جائے۔
خط میں کہا گیا ہے کہ امید ہے پنجاب حکومت قانون کی بالادستی اور انسانی وقار یقینی بناتے ہوئے عمران خان سے ملاقات کی اجازت دے گی۔
