جاپان کے رہائشی علاقے میں گزشتہ رات اچانگ بھڑک اٹھی اور تیز ہوائوں کی وجہ سے جنگل میں پھیل گئی، خوفناک آتشزدگی کے نتیجے میں 170 گھر جل گئے جبکہ ایک شخص لاپتا ہوگیا ہے۔
غیر ملکی میڈیا کے مطابق جنوب مغربی شہر اوئیٹا کے رہائشی علاقے میں آگ لگنے کے بعد ریسکیو حکام نے 175 افراد کو بحفاظت نکال کر محفوظ مقامات پر منتقل کردیا ہے۔
فائر اینڈ ڈیزاسٹر مینجمنٹ ایجنسی کے مطابق آگ کی وجوہات کا تاحال تعین نہیں کیا جا سکا اور تیز ہواوں کی وجہ سے آگ پر قابو پانے میں مشکلات کا سامنا ہے۔
