پشاور ہائیکورٹ نے مقدمات کی تفصیلات فراہمی کیس میں سہیل آفریدی کی حفاظتی ضمانت میں 27 نومبر تک توسیع کردی۔
منگل کو پشاور ہائیکورٹ میں جسٹس اعجاز انور اور جسٹس وقار احمد پر مشتمل ڈویژن بینچ نے وزیراعلی خیبرپختونخوا سہیل آفریدی کی مقدمات کی تفصیلات فراہمی درخواست پر سماعت کی تاہم پشاور ہائیکورٹ میں وکلاء کی ہڑتال کے باعث کارروائی نہ ہوسکی۔
عدالت نے متعلقہ فریقین سے مقدمات کی تفصیلات دوبارہ طلب کرتے ہوئے حفاظتی ضمانت میں توسیع کردی۔
عدالت نے پولیس و دیگر قانون نافذ کرنیوالے اداروں کو 27 نومبر تک سہیل آفریدی کو درج مقدمات میں گرفتار نہ کرنے کا حکم دیتے ہوئے سماعت ملتوی کردی۔
