27آئینی ترمیم کی منظوری کے نتیجے میں ملک میں قائم وفاقی آئینی عدالت نے باقاعدہ کام کا آغاز کردیا ہے اور آئندہ عدالتی ہفتے کیلئے پہلی کاز لسٹ بھی جاری کر دی ہے۔
جاری ہونے والی کاز لسٹ کے مطابق آئندہ ہفتے وفاقی آئینی عدالت میں تین بینچز مقدمات کی سماعت کریں گے۔
وفاقی آئینی عدالت کے چیف جسٹس امین الدین خان پر مشتمل سنگل بنچ اور جسٹس حسن اظہر رضوی پر مشتمل سنگل بنچ آج مقدمات سنیں گے جبکہ جسٹس عامر فاروق اور جسٹس کے کے آغا پر مشتمل دو رکنی بینچ بھی آج مقدمات کی سماعت کریگا۔
وفاقی آئینی عدالت کے چیف جسٹس امین الدین خان نے جمعہ 14 نومبر کو اپنا پہلا بڑا فیصلہ کرتے ہوئے وفاقی آئینی عدالت کا رجسٹرار تعینات کیا تھا۔
سابق ڈسٹرکٹ اینڈ سیشن جج محمد حفیظ کو رجسٹرار جبکہ مظہر بھٹی کو سیکرٹری ٹو چیف جسٹس وفاقی آئینی عدالت تعینات کیا گیا تھا۔
