ایران نے ایران نے پاک افغان کشیدگی میں کمی اور خطے کے استحکام کیلئے پاکستان کو ہر ممکن تعاون فراہم کرنے کی پیشکش کی ہے۔
یہ پیشکش ایرانی وزیرِ خارجہ سید عباس عراقچی نے نائب وزیراعظم اور وزیرِ خارجہ اسحاق ڈار سے ٹیلیفون پر گفتگو کرتے ہوئے کی، اس دوران دوطرفہ تعلقات علاقائی اور عالمی امور پر تبادلہ خیال کیا گیا۔
غیر ملکی میڈیا کے مطابق دونوں رہنمائوں نے پاک ایران تعلقات کے فروغ کے عزم کا اعادہ کیا، ایرانی وزیرِ خارجہ نے پاکستان اور افغانستان کی صورتحال پر تشویش کا اظہار کرتے ہوئے مذاکرات جاری رکھنے اور اختلافات کے پرامن حل پر زور دیا۔
انہوں نے دونوں برادر، ہمسایہ اور مسلم ممالک کے دیرینہ دوستانہ تعلقات کی اہمیت پر زور دیتے ہوئے کہا کہ ایران مختلف شعبوں میں تعاون کو فروغ دینے اور مزید گہرا کرنے کا پختہ عزم رکھتا ہے۔
عباس عراقچی نے افغانستان اور پاکستان کے درمیان جاری کشیدگی پر تشویش ظاہر کی اور کہا کہ دونوں ممالک کو خطے کے دیگر ممالک کے تعاون سے اختلافات کے حل اور تنا میں کمی کیلئے مسلسل مذاکرات جاری رکھنے کی ضرورت ہے۔
اسحاق ڈار نے پاکستان اور افغانستان کے درمیان حالیہ مذاکرات اور پیشرفت سے اپنے ایرانی ہم منصب کو آگاہ کیا اور خطے میں امن و استحکام برقرار رکھنے کی اہمیت پر زور دیا۔
اس موقع پر دونوں وزرائے خارجہ نے ان امور پر مشاور ت جاری رکھنے پر اتفاق کیا۔
