اولان باتور(شِنہوا)چین، روس اور منگولیا نے ٹی روڈ سیاحتی تعاون اور ترقیاتی منصوبے 2025۔2026 پر منگولیا کے شمالی شہر دارخان میں دستخط کر دئیے۔
منصوبے پر چین، روس اور منگولیا کی نویں سیاحتی وزارتی کانفرنس کے دوران دستخط کئے گئے، جس کا مقصد سیاحت کے شعبے میں تینوں ممالک کے درمیان تعاون کو گہرا کرنا ہے۔
منصوبے کے مطابق تینوں ملک ٹی روڈ کے ساتھ مشترکہ سیاحتی راستوں اور قیام گاہوں کی تعمیر و ترقی کریں گے، ٹی روڈ کے ساتھ سرحد پار خودکار ڈرائیونگ سیاحتی برانڈ شروع کریں گے اور سرحد پار سیاحت کے لئے سہولتوں کا معیار بہتر بنائیں گے۔
کانفرنس میں تینوں ممالک کے سیاحتی شعبوں کے نمائندوں اور متعلقہ تنظیموں نے شرکت کی۔
کانفرنس کے دوران چین۔روس۔منگولیا ٹریول ایجنٹس اجلاس بھی منعقد کیا گیا، جس میں تینوں ممالک کے درجنوں ثقافتی وسیاحتی کاروباری اداروں اور سیاحتی تنظیموں نے شرکت کی۔
اس موقع پر”ٹی روڈ”کے عنوان سے ایک نمائش اور "ٹی روڈ” خود کار ڈرائیونگ سیاحتی سفر کی افتتاحی تقریب کابھی بیک وقت انعقاد کیا گیا۔
