بیجنگ(شِنہوا)وزارت تجارت نے کہا ہے کہ سال کے پہلے 9 ماہ کے دوران چین کی خدمات کی تجارت میں مستحکم اضافہ برقرار رہا جس میں درآمدات اور برآمدات مجموعی طور پر تقریباً 59.4 کھرب یوآن (تقریباً 838 ارب امریکی ڈالر) تک پہنچ گئیں جو گزشتہ سال کی نسبت 7.6 فیصد زائد ہیں۔
وزارت کے اعداد و شمار کے مطابق خاص طور پر خدمات کی برآمدات 14.4 فیصد بڑھ کر 26 کھرب یوآن سے تجاوز کر گئیں جبکہ درآمدات 2.8 فیصد بڑھ کر 33.3 کھرب یوآن سے تجاوز کر گئیں۔ گزشتہ سال کی اسی مدت کے مقابلے میں خدمات کی تجارت کا خسارہ 238.24 ارب یوآن تک کم ہو گیا۔
علم پر مبنی خدمات کی تجارت میں مسلسل اضافہ دیکھا گیا جس کی درآمدات اور برآمدات کا مجموعی حجم تقریباً 22.7 کھرب یوآن رہا جو گزشتہ سال کی نسبت 6.4 فیصد زائد ہے۔
سفری خدمات کی تجارت کا مجموعی حجم تقریباً 16.4 کھرب یوآن رہا جو ایک سال پہلے کی نسبت 8.8 فیصد زائد ہے۔
اعداد و شمار کے مطابق قابل ذکر بات یہ ہے کہ اس مدت کے دوران سفری خدمات کی برآمدات میں 54.4 فیصد کا زبردست اضافہ ہوا۔
