نائب امیر جماعت اسلامی لیاقت بلوچ نے کہا ہے کہ 27ویں آئینی ترمیم 26ویں ترمیم سے بھی زیادہ مہلک ہے۔
جاری بیان میں لیاقت بلوچ نے کہا کہ پیپلز پارٹی، مسلم لیگ (ن)، ایم کیو ایم اور دیگر جماعتوں کو اقتدار کا نشہ ہے۔
انہوں نے کہا کہ حکومتی اتحاد پی ٹی آئی کی خیبرپختونخوا میں حکومت قائم رکھ کر اپنے اتحادیوں کو بلیک میل کر رہا ہے، جماعت اسلامی کا اجتماعِ عام پوری قوم کو متحد کرنے کا باعث بنے گا۔
انہوں نے کہا کہ جماعت اسلامی آئین کے تحفظ اور عوامی حقوق کیلئے آواز بلند کرتی رہے گی۔
