بالی وڈ کے سپر اسٹار شاہ رخ خان کی نئی آنے والی فلم ’کِنگ‘ کے ٹیزر نے دھوم مچا دی۔
شاہ رخ خان ایک بار پھر اپنی نئی ایکشن فلم کِنگ کے ساتھ باکس آفس پر واپسی کررہے ہیں اور فلم کے ٹیزر نے مقبولیت کے ریکارڈ توڑ دیے۔
2 نومبر کو شاہ رخ خان کی سالگرہ کے دن ان کے مداحوں کو اس وقت ایک زبردست تحفہ ملا جب شاہ رخ کی نئی آنے والی فلم کنگ کا ٹائٹل ٹیزر ریلیز کیا گیا۔
کنگ کے ٹیزر میں شاہ رخ کو نئے انداز میں دیکھ کر فینز خوشی سے جھوم اٹھے۔
بھارتی میڈیا کے مطابق کنگ کے ٹیزر نے ریلیز ہوتے ہی سوشل میڈیا اور یوٹیوب پر دھوم مچا دی۔صرف 24 گھنٹوں میں 28 ملین ویوز کے ساتھ فلم ‘کِنگ’ نے پُشپا 2 (27.67 ملین ویوز) کو پیچھے چھوڑ دیا۔
فلم کنگ کے ہدایت کار سدھارتھ آنند ہیں جبکہ فلم میں شاہ رخ کے علاوہ دپیکا پڈوکون، رانی مکھرجی، ابھیشیک بچن، ارشد وارثی، انیل کپور، جیکی شروف اور سوہانہ خان شامل ہیں۔
رپورٹس کے مطابق فلم 2026 میں ریلیز کی جائے گی، تاہم ابھی ریلیز کی حتمی تاریخ سامنے نہیں آئی۔
