وفاقی حکومت نے آئندہ بجلی نہ خریدنے کا اعلان کرتے ہوئے کہاہے کہ 18 ماہ میں بجلی قیمت میں ساڑھے10 فیصد تک کمی کی ہے۔
اسلام آباد میں پریس کانفرنس کرتے ہوئے اویس لغاری نے کہا کہ توانائی شعبے کو جدید خطور پر استوار کر رہے ہیں جہاں موقع ملا عوام کو ریلیف فراہم کرنے کی ہر ممکن کوشش کی۔
انہوں نے کہا کہ توانائی شعبے کے تکنیکی مسائل کو حل کرکے اربوں روپے کی بچت کی جبکہ گزشتہ 18ماہ میں بجلی کی قیمت میں ساڑھے10فیصد تک کمی کی ہے۔
انہوں نے کہا کہ آئی پی پیز سے متعلق ٹاسک فورس نے نمایاں کام کیا ،اب حکومت بجلی نہیں خریدے گی، آٹومیٹنگ میٹرنگ میں صارفین کو پری پیڈ کی سہولت بھی میسر ہوگی۔
انہوں نے بتایا کہ گردشی قرضے کے خاتمے سے متعلق موثر پلان بنایا ہے، گردشی قرض میں کمی کیلئے 1200ارب روپے کا قرض معاہدہ کیا ہے، ایک سال میں گردشی قرض میں 700ارب روپے کی کمی آئی ہے۔
