بیجنگ(شِنہوا)چین کے اعلیٰ ترین اقتصادی منصوبہ ساز ادارے نے اعلان کیا ہے کہ اس نے ملک کی اقتصادی اور سماجی ترقی کے لئے 15 ویں پانچ سالہ منصوبے (2026-2030) کے مسودے کا خاکہ تیار کرنے کے سلسلے میں عوامی آراء اور تجاویز طلب کرنا شروع کر دی ہیں۔قومی ترقی و اصلاحات کمیشن (این ڈی آر سی) کی ترجمان لی چھاؤ نے کہا ہے کہ این ڈی آر سی متعلقہ محکموں اور مقامی حکام کے ساتھ مل کر مسودہ کی تیاری کو آگے بڑھا رہا ہے۔انہوں نے کہا کہ این ڈی آر سی کی سرکاری ویب سائٹ، نیو میڈیا پلیٹ فارمز اور چینی حکومت کے پورٹل پر اقتصادی اور سماجی ترقی کے 20 سے زائد اہم شعبوں کے لئے 14 نومبر تک تجاویز جمع کرائی جا سکتی ہیں۔
