پاکستان اور کینیڈا نے تجارت و سرمایہ کاری بڑھانے ، قریبی روابط برقرار رکھنے پر اتفاق کیا ہے۔
ترجمان دفتر خارجہ سے جاری بیان کے مطابق نائب وزیراعظم و وزیرخارجہ اسحاق ڈار نے کینیڈین ہم منصب انیتا آنند سے ٹیلیفونک رابطہ کیا جس میں زراعت اور معدنیات کے شعبوں میں تعاون بڑھانے پر تفصیلی تبادلہ خیال کیا گیا، فریقین نے دوطرفہ تجارت و سرمایہ کاری بڑھانے پر اتفاق کیا۔
کینیڈین وزیر خارجہ نے پاکستانی منڈی میں کینولا برآمدات کی سہولت پر شکریہ ادا کیا، دونوں رہنمائوں نے باہمی اقتصادی تعاون مزید مضبوط بنانے کے عزم کا اظہار اور قریبی روابط برقرار رکھنے پر اتفاق کیا ۔
