وزیر محنت و افرادی قوت سندھ سعید غنی نے سندھ دھرتی سے تعلق رکھنے والے بہادر نوجوان کوہ پیما اسد علی کے لیے نیک خواہشات کا اظہار کرتے ہوئے کہا ہے کہ ہم دعا گو ہیں کہ اسد علی پوری دنیا میں پاکستان کا نام بلند کرنے کے لیے تمام بلندیوں کو چھونے میں کامیاب ہو۔
ان خیالات کا اظہار انہوں نے قومی ہیرو کوہ پیما اسد علی میمن سے ملاقات کے دوران کیا۔ ملاقات میں اسد علی نے اپنے آنے والی مہم کی آفیشل کٹ وزیر محنت سندھ سعید غنی کو پیش کی۔
واضح رہے صوبہ سندھ سے تعلق رکھنے والے معروف کوہ پیما اسد علی نے دنیا کی بلند ترین چوٹی سر کرنے کے ساتھ ساتھ دنیا کے چھ بر اعظموں کی بلند ترین چوٹیوں کو سر کیا ہے۔
کوہ پیما اسد علی میمن اب دنیا کے ساتویں بر اعظم کی اونچی ترین اوشنیہ کی چوٹی سر کرنے کے لیے پراعتماد ہیں۔
