انٹرنیشنل کرکٹ کونسل (آئی سی سی)کی ٹی ٹوئنٹی پلیئرز کی رینکنگ میں پاکستان کے صائم ایوب نمبر ون ٹی ٹوئنٹی آل رانڈر بن گئے۔
ٹی ٹوئنٹی پلیئرز کی رینکنگ میںصائم ایوب 4 درجہ بہتری کے بعد بھارت کے ہاردیک پانڈیا سے پہلی پوزیشن چھین لی۔ ہاردیک پانڈیا ٹی ٹوئنٹی آل رانڈر رینکنگ میں دوسرے نمبر پر چلے گئے جبکہ محمد نواز 4 درجے ترقی کے بعد 13ویں اور فہیم اشرف 4 درجے بہتری کے بعد 35ویں نمبر پر آ گئے۔
ٹی ٹوئنٹی بیٹرز کی رینکنگ میں ابھیشک شرما کا پہلا نمبر برقرار ہے جبکہ سری لنکا کے پاتھم نسانکا 2 درجے ترقی کے بعد پانچویں نمبر پر آگئے۔ بھارتی کپتان سوریا کمار یادیو کی دو درجے تنزلی ہوئی ہے وہ 8ویں نمبر پر چلے گئے ہیں جبکہ پاکستان کے صاحبزادہ فرحان 11 درجے لمبی چھلانگ کے بعد 13ویں نمبر پر براجمان ہیں۔
بھارت کے سنجو سیمسن 8 درجے ترقی کے بعد 31ویں، بنگلا دیش کے سیف حسن 45 درجے ترقی کے بعد 36ویں اور فخر زمان 6 درجے بہتری کے بعد 60ویں نمبر پر آ گئے۔ بابر اعظم 2 درجے تنزلی کے بعد 37 ویں اور محمد رضوان 3 درجے تنزلی کے بعد 41 ویں نمبر پر چلے گئے ہیں۔
بولرز کی رینکنگ میں شاہین شاہ آفریدی کی 12 درجے ترقی ٹی ٹوئنٹی بولرز کی رینکنگ میں ورون چکرورتھی کا پہلا نمبر برقرار ہے جبکہ پاکستان کے ابرار احمد 3 درجے تنزلی کے بعد 7 ویں نمبر چلے گئے۔ بھارت کے کلدیپ یادیو 9 درجے بہتری کے بعد 12ویں اور پاکستان کے شاہین آفریدی 12 درجے ترقی کے بعد 14ویں نمبر پر آ گئے جبکہ سفیان مقیم کی 3 درجے تنزلی کے بعد 19ویں نمبر پر چلے گئے۔
بھارت کے جسپریت بمرا 12 درجے بہتری کے بعد 29ویں نمبر پر آ گئے اور پاکستان کے حارث روف 5 درجہ تنزلی کے بعد 33ویں پوزیشن پر آ گئے ہیں۔
