اوول: آسٹریلوی کرکٹر انجری کے باعث نیوزی لینڈ کے خلاف ٹی ٹوئنٹی سیریز سے باہر ہو گئے ۔ گلین میکسویل کو نیٹس میں بولنگ کے دوران مچل اوون کی تیز شاٹ کلائی پر لگی جس سے ان کی کلائی میں فریکچر ہوگیا۔
میکسویل کو نیوزی لینڈ سے وطن واپس بھیج دیا گیا ہے۔گلین میکسویل کی جگہ اب وکٹ کیپر بلے باز جوش فلپ کو اسکواڈ میں شامل کرلیا گیا ہے۔واضح رہے کہ نیوزی لینڈ اور آسٹریلیا کے درمیان پہلا ٹی ٹوئنٹی میچ(آج) یکم اکتوبر بروز بدھ کو کو ماونٹ مینگوئی میں کھیلا جائے گا۔
آسٹریلوی میڈیکل ٹیم میکسویل کے جلد صحت یاب ہونے کی توقع کر رہی ہے تاہم خدشہ ہے کہ وہ بھارت کے خلاف 29 اکتوبر سے شروع ہونے والی ہوم ٹی ٹوئنٹی سیریز کے لیے دستیاب نہ ہوسکیں۔
