ویمن کرکٹ ٹیم کی کھلاڑیوں نے ایشیا کپ کے فائنل میں شرکت کرنے والی مینز کرکٹ ٹیم کیلئے نیک تمناوں کا اظہار کرتے ہوئے کہا ہے کہ اللہ تعالی بھی ان کا ساتھ دیتا ہے جو بہادری سے کھیلتے ہیں۔
اتوار کو ایشیا کپ کے فائنل سے قبل کرکٹر عالیہ ریاض نے کہا کہ سب کی دعائیں مینز ٹیم کے ساتھ ہیں، بیسٹ آف لک، جم کر کھیلیں اور ملک کا نام روشن کریں۔
ویمن کرکٹر سدرہ امین نے کہا کہ پاکستان ٹیم کیلئے بہت بڑا دن ہے، ہماری طرف سے مکمل سپورٹ اور نیک خواہشات ٹیم کے ساتھ ہیں، بڑے دل سے کھیلیں،ہماری خواہش ہے کہ ایشیا کپ آپ جیت کر آئیں گڈ لک۔ اومیمہ سہیل کا کہنا تھا کہ پاکستان مینز ٹیم کو ایشیا کپ فائنل کیلئے نیک خواہشات، سب کی دعائیں پاکستان ٹیم کے ساتھ ہیں، انشااللہ پاکستان میچ جیتے گا، کرکٹر نتالیہ پرویز نے کہا کہ پاکستان ٹیم کو گڈ وشز اور امید ہے کہ آپ اچھا کھیلیں گے اور ایشیا کپ جیتیں گے۔
سیدہ عروب شاہ کا کہنا تھا کہ پاکستان ٹیم کو بیسٹ وشز اور امید ہے کہ آپ ایشیا کپ کا فائنل جیت کر آئیں گے اور پوری قوم کی دعائیں آپ کے ساتھ ہیں کرکٹر شوال ذوالفقار نے کہا کہ پاکستان اور بھارت کا فائنل ہونے جا رہا ہے میں پاکستان ٹیم کو گڈ لک کہتی ہوں، امید کرتے ہیں کہ پاکستان ٹیم اچھا کھیلے گی اور ایشیا کپ جیت کر وطن واپس آئے گی۔
