اسلام آباد: وفاقی وزیر آبی وسائل معین وٹو نے کہا ہے کہ ملک میں سیلابی خطرہ ختم ،حالات بہتر ہو رہے ہیں، مستقبل میں نقصانات کم کرنے کیلئے موثر فلڈ مینجمنٹ سسٹم پر کام جاری ہے۔
جاری بیان میں معین وٹو نے کہا کہ سیلابی خطرہ ختم ،حالات بہتر ہو رہے ہیں،سیلاب زدہ علاقوں میں بنیادی ڈھانچے کی بحالی اولین ترجیح ہے، وفاقی و صوبائی حکومتیں متاثرین کی بحالی کے کاموں پر مشترکہ اقدامات کر رہی ہیں۔
انہوں نے بتایا کہ بحالی عمل میں شفافیت و تیز رفتاری یقینی بنائی جائے گی، مقامی انتظامیہ اور حکومت مل کر متاثرہ علاقوں میں سہولیات بحال کریں گی۔
انہوں نے بتایا کہ زرعی اراضی اور فصلوں کے نقصانات کی تلافی کیلئے بھی اقدامات جاری ہیں۔ انہوں نے کہا کہ مستقبل میں سیلابی نقصانات کم کرنے کیلئے موثر فلڈ مینجمنٹ سسٹم پر کام کررہے ہیں۔
