لاہور: پاکستانی ڈرامہ انڈسٹری کے صفِ اول کے اداکاردانش تیمور نے سوشل میڈیا کی دنیا میں ایک شاندار کامیابی حاصل کر لی ہے، ان کے انسٹاگرام پر 8.8 ملین فالوورز ہوگئے، اس کامیابی نے ان کی اہلیہ اور معروف اداکارہ عائزہ خان کو بے حد فخر کا موقع دیا۔
عائزہ خان نے اپنے انسٹاگرام اکاونٹ پر دانش تیمور کے اس اعزاز پر خوشی کا اظہار کرتے ہوئے انہیں بھرپور انداز میں سراہا۔ انہوں نے لکھا کہ ڈیجیٹل دنیا کی محبت حقیقی زندگی کی محبت کا مقابلہ نہیں کر سکتی، لیکن یہ اس بات کا ثبوت ضرور ہے کہ لوگ دانش کو دل سے چاہتے ہیں اور ان کی محنت کی قدر کرتے ہیں۔
دانش تیمور نے اپنی فنی صلاحیتوں، مشہور کرداروں اور شاندار اسکرین پرفارمنس کے ذریعے ڈرامہ انڈسٹری میں اپنی پہچان بنائی ہے۔
