لاہور: اداکارہ علیزے شاہ نے ذہنی بیماری میں مبتلا ہونے کا انکشاف کرتے ہوئے کہا ہے کہ میں شوبز انڈسٹری کے ہیتک آمیز رویے سے پی ٹی ایس ڈی کا شکار ہوگئی۔
انسٹاگرام پر اداکارہ نے ایک بار پھر اسٹوری شیئر کرتے ہوئے لکھا کہ اس انڈسٹری میں میرے ساتھ جو کچھ ہوا اس کی وجہ سے مجھے پی ٹی ایس ڈی سے گزرنا پڑا، میں اس حد تک ٹوٹ گئی تھی کہ خود سے نفرت کرنے اور یہ سوچنے پر مجبور ہوگئی تھی کہ میں اس کا حصہ ہی کیوں بنیں۔
علیزے شاہ نے کہا کہ جو لوگ یہ سمجھتے ہیں کہ میں نے انڈسٹری کے لوگوں کو صرف اس لیے بینقاب کیا کیونکہ مجھے کام چاہیے، شاید انہیں اندازہ بھی نہیں کہ یہ سوچ انہیں کس قدر تکلیف پہنچاتی ہے۔ انہوں نے کہاکہ میرے ساتھ جو غلط ہوا وہ سب کہنے کا مقصد توجہ حاصل کرنا نہیں بلکہ اپنا دل ہلکا کرنا تھا۔
ان کا کہنا ہے کہ مجھے کسی کے پروجیکٹس، پیشکش اور جھوٹی ہمدردی کی ضرورت نہیں ہے۔ میں ہر دن یہی دعا کرتی ہوں کہ کاش میں اس ذلت آمیز دنیا کا حصہ نہ بنتیں، جہاں لوگوں مجھے 12، 12 گھنٹے تک سیٹ پر بٹھا کے رکھتے ہیں، میرے ساتھ ایسا رویہ اختیار کرتے ہیں، جیسے میں کچھ بھی نہ ہوں۔
اداکارہ کہا کہ اس صدمے نے مجھے اندر سے ختم کردیا ہے، میں ہر رات اس قدر روتی ہوں کہ سانس لینا مشکل ہوجاتا ہے، ہر دن ایسے ہی مجھے تکلیف دیتا ہے، یہ تکلیف حقیقی ہے جسے میں اپنے دل، دماغ، جسم ہر جگہ محسوس کرسکتی ہوں اور میں نے صرف اتنا ہی تو مانگا ہے کہ مجھے اکیلا چھوڑ دیا جائے۔
