اسلام آباد: بانی پی ٹی آئی کی ہدایت پر علی محمد خان اور عادل بازئی بھی قومی اسمبلی کی قائمہ کمیٹیوں سے مستعفی ہوگئے۔
ذرائع کے مطابق علی محمد خان نے قومی اسمبلی کی قائمہ کمیٹی برائے انسانی حقوق اور قائمہ کمیٹی برائے پارلیمانی امور جبکہ عادل بازئی نے تخفیف غربت اور اوورسیز پاکستانی اینڈ ہیومن ڈویلپمنٹ کمیٹی، انفارمیشن ٹیکنالوجی اور ٹیلی کمیونیکیشن کمیٹیوں سے استعفیٰ دیا ہے۔
ذرائع کے مطابق دونوں ارکان اسمبلی نے اپنے استعفے سپیکر آفس کو ارسال کردیئے ہیں۔
