اسلام آ باد: وزیراعظم شہباز شریف نے دفاع وطن کے حوالے سے پاک فضائیہ کے کردار کو شاندار خراج تحسین پیش کرتے ہوئے کہا ہے کہ فضائیہ کے شاہین وطن عزیز کی حفاظت کے لیے سیسہ پلائی دیوار ہیں، معرکہ حق میں پاک فضائیہ کے شاہینوں نے دشمن کے جہاز گرا کر اسے کاری ضرب لگائی۔
ان خیالات کا اظہار انہوں نے چیف آف دی ایئر اسٹاف ایئرچیف مارشل ظہیر احمد بابر سدھو سے ملاقات کے دوران کیا۔ ملاقات میں پاک فضائیہ کے پیشہ وارانہ امور کے حوالے سے تبادلہ خیال کیا گیا۔
