لاہور: پاکستانی ماڈل و اداکارہ اریبہ حبیب نے کہا ہے کہ انڈسٹری میں ایوارڈز خریدے جاتے ہیں،میرے نزدیک کسی بھی اداکار کا بینک اکاونٹ ہی اس کا اصل ایوارڈ ہے۔
ایک انٹرویو میں انہوں نے کہا کہ ماڈلنگ کے وقت پر میں ایوارڈز کو ترجیح دیتی تھی لیکن اداکاری میں آنے کے بعد میرے لیے ایوارڈ معنی نہیں رکھتے۔
اداکارہ کا کہنا تھا کہ میرے نزدیک ایوارڈ کچھ نہیں ہوتا، اصل ایوارڈ آپ کا بینک اکانٹ ہے، دوسرا آپ کے سیٹ چھوڑدینے کے بعد آپ کیلئے کی جانے والی بات ہی درا اصل آپ کا ایوارڈ ہے، جب بھی مجھے ایوارڈ چاہیے ہوگا اور میرے پاس جب بھی اضافی پیسے ہوں گے میں لے لوں گی، جگہ جگہ ایوارڈز ملتے ہیں کہیں سے بھی خرید لوں گی لیکن مجھے ایسے ایوارڈز نہیں چاہیے۔
اریبہ حبیب کے مطابق ہمارے پاس بہت سے سینئر اداکار ایسے بھی ہیں جن کی گھر کی شیلفس ایوارڈز سے بھری پڑی ہیں لیکن ان کے پاس علاج کیلئے پیسے نہیں، ایسے اداکاروں کی کہانی سن کر مجھے رونا آجاتا ہے۔
