اسلام آباد: وزیر ریلوے حنیف عباسی نے ہنگو میں فتنہ الہندوستان کے دہشت گرد حملے کی شدید مذمت کرتے ہوئے کہا ہے کہ دشمن کے ناپاک عزائم کبھی کامیاب نہیں ہوں گے، قوم ہر وار کے سامنے سیسہ پلائی دیوار بن کر کھڑی ہے۔
جاری بیان میں حنیف عباسی نے دہشت گردوں کے بزدلانہ حملے میں وفاقی ریزرو پولیس کے 3جوانوں کی شہادت پر افسوس کا اظہار کرتے ہوئے انہیں خراج عقیدت پیش کیا جبکہ لواحقین سے دلی ہمدردی کا اظہار کیا۔
وزیر ریلوے نے شہداء کے درجات کی بلندی اور زخمی اہلکاروں کی جلد صحت یابی کی دعاء کرتے ہوئے کہا کہ شہدا کا خون کبھی رائیگاں نہیں جائے گا، قربانی اور جرات ہمیشہ یاد رکھی جائے گی۔
انہوں نے کہا کہ فتنہ الہندوستان کے خلاف جہاد حق جاری رہے گا،قوم، فوج اور پولیس مل کر دشمن کو ناکام بنائیں گے۔
