پورٹسمتھ: برطانیہ کے شہر پورٹسمتھ میں منعقدہ میوزک فیسٹیول کے دوران آئرلینڈ کے مشہور لوک بینڈ دا میری واللوپرزکوفلسطینی پرچم لہرا نے اور "فری فلسطین” کے حق میں نعرے لگانے پر اسٹیج سے اتار دیا گیا۔
بینڈ صرف 20 منٹ تک پرفارم کر پایا تھا کہ منتظمین نے اچانک مائیکروفونز بند کر دیے اور انہیں اسٹیج سے نیچے اتار دیا۔دا میری واللوپرز نے الزام عائد کیا ہے کہ ان کی پرفارمنس کو صرف اس وجہ سے روکا گیا کیونکہ انہوں نے اسٹیج پر فلسطینی پرچم لہرایا۔
بینڈ نے کہا کہ وہ گزشتہ 6 برس سے ایسا کر رہے ہیں مگر ان کے ساتھ پہلے کبھی اس طرح کا رویہ نہیں اپنایا گیا۔دوسری جانب فیسٹیول کے منتظمین کا دعوی ہے کہ مائیکرو فونز اس لیے بند کیے گئے کیونکہ بینڈ نے متعصبانہ الفاظ استعمال کیے تھے، اور اس فیصلے کا تعلق "فری فلسطین” نعروں سے نہیں تھا۔
بینڈ نے واضح موقف اختیار کرتے ہوئے کہا فری پیلیسٹائن آل دے، ایوری ڈے یعنی آزاد فلسطین پورا دن، ہر دن۔
