دمشق: شام اور اسرائیل امریکا کی سرپرستی میں سیکیورٹی معاہدے پر دستخط آئندہ ماہ 25 ستمبر کریں گے، معاہدے پر دستخط سے قبل شام کے صدر احمد الشرع نیویارک میں اقوامِ متحدہ کی جنرل اسمبلی کے اجلاس میں خطاب کریں گے۔
غیر ملکی میڈیا کے مطابق مستقبل قریب میں دمشق اور تل ابیب کے درمیان کسی جامع امن معاہدے پر دستخط نہیں ہوں گے، بلکہ سمجھوتا صرف سیکیورٹی پہلو تک محدود رہے گا تاکہ دونوں ملکوں کے مابین کشیدگی ختم ہو۔
شام اور اسرائیل کے درمیان تقریبا 80 فی صد نکات پر اتفاق رائے ہو چکا ہے، اور یہ طے پایا ہے کہ دونوں ممالک اپنی سیکیورٹی بات چیت کو باکو اور پیرس میں جاری رکھیں گے۔
ذرائع کا کہنا ہے کہ جنوبی شام کے لیے سیکیورٹی انتظامات تقریبا مکمل ہو چکے ہیں۔
