سنتیاگو: چلی کے انٹارکٹک ریجن میں 7.5 شدت کا زلزلہ آیا تاہم سونامی کا خطرہ ٹل گیا۔ امریکی جیولوجیکل سروے کے مطابق زلزلہ ارجنٹائن کے شہر یوشوایا کے جنوب مشرق میں 700 کلومیٹر سے زائد فاصلے پر ریکارڈ کیا گیا، جہاں تقریبا 57 ہزار افراد آباد ہیں۔
پیسیفک سونامی وارننگ سینٹر نے اپنے مختصر وارننگ الرٹ کے بعد کہا ہے کہ جنوبی امریکا اور انٹارکٹیکا کے درمیان ڈریک پیسیج میں آنے والے اس زلزلے کے بعد کسی سونامی کا خطرہ موجود نہیں ہے۔
