نیو یارک: پاکستان نے دہشت گردوں کی فہرست میں صرف مسلمانوں کو شامل کئے جانے کو ناقابل قبول قرار دے دیا۔
اقوام متحدہ میں مستقل پاکستانی مندوب عاصم افتخار نے کہا کہ سلامتی کونسل اجلاس سے خطاب کرتے ہوئے سوال اٹھایا کہ سلامتی کونسل کی دہشت گردوں کی فہرست میں شامل تمام افراد مسلمان ہی کیوں ہیں؟یہ سمجھ سے بالاتر اور قطعا ناقابل قبول ہے۔
انہوں نے کہا کہ فہرست میں ایک بھی غیر مسلم دہشت گرد موجود نہیں، یہ صورتحال تبدیل ہونی چاہئے۔ انہوں نے کہا کہ غیر مسلم انتہا پسند اور دہشت گرد اکثر احتساب سے بچ نکلتے ہیں، ٹی ٹی پی، بلوچ لبریشن آرمی، مجید بریگیڈ کا تعاون علاقائی اور بین الاقوامی امن کیلئے شدید خطرہ ہیں۔
انہوں نے کہا کہ افغان عبوری حکومت داعش خراسان کیخلاف کارروائیاں کر رہی ہے، تاہم فتنہ الخوارج، ٹی ٹی پی اور بلوچ عسکریت پسند گروہ افغانستان کے غیر حکومتی علاقوں میں تاحال پناہ لئے ہوئے ہیں۔
