نئی دہلی: بھارت میں 18 سالہ طالبِ علم نے اپنی سابقہ اسکول ٹیچر پر پیٹرول چھڑک کر آگ لگا دی، یہ واقعہ بھارتی ریاست مدھیہ پردیش کے ضلع نرسنگھ پور میں پیش آ یا۔
بھارتی میڈیا کے مطابق ملزم، سوریانش کوچر کو اپنی سابقہ ٹیچر سے یکطرفہ لگا تھا، ملزم کو اسکول سے نکال دیا گیا تھا جس کے بعد وہ کسی دوسرے اسکول میں تعلیم حاصل کر رہا تھا۔ پرانی شکایت بنی جو ٹیچر نے ملزم کے خلاف درج کروائی تھی۔ملزم نے ٹیچر سے بدلہ لینے کا منصوبہ بنایا تھا۔
ملزم سوریانش کوچر پیٹرول کی بوتل لے کر اپنی سابقہ ٹیچر کے گھر پہنچا اور اس پر حملہ کر دیا، ملزم نے ٹیچر پر پیٹرول چھڑکا اور آگ لگا کر فرار ہو گیا۔ اس واقعے میں نجی اسکول کی ٹیچر 10 سے 15 فیصد جھلس گئی جسے فوری طور پر ضلعی اسپتال منتقل کیا گیا۔
دوسری جانب پولیس نے بروقت کارروائی کرتے ہوئے چند گھنٹوں کے اندر ہی ملزم کو ایک گاوں سے گرفتار کر لیا۔ پولیس کی جانب سے تیار کی گئی ابتدائی رپورٹ کے مطابق ملزم اور 26 سالہ ٹیچر گزشتہ دو برس سے ایک دوسرے کو جانتے تھے۔
