لاہور: سینئر اداکارہ امبر خان نے نئے شادی شدہ جوڑوں کو شادی کے بعد کم از کم دو سال تک بچے پیدا نہ کرنے کا مشورہ دیتے ہوئے کہا ہے کہ ، پہلے دونوں ایک دوسرے کی طبیعت اور مزاج کو اچھی طرح سمجھیں، پھر بچہ پیدا کرنے کے بارے میں سوچیں۔
نجی ٹی وی پروگرام میں گفتگو کرتے ہوئے انہوں نے کہا میرا اپنی بیٹیوں کے ساتھ دوستانہ رشتہ ہے ،میں ان کی ہر بات کو اچھے سے سنتی ہوں اور اگر مجھے لگتا ہے کہ وہ غلط ہیں تو میںانہیں آرام سے سمجھاتی ہیں۔ انہوں نے بتایا کہ جس وقت میری طلاق ہوئی تھی، اس وقت میری بڑی بیٹی کچھ سمجھدار تھی لیکن چھوٹی بیٹی ناسمجھ تھی، بڑی بیٹی طلاق سے متاثر ہوئی تھی اور اس نے دوسری طرف کی باتیں سن کر کچھ غلط باتیں کہیں، جو چھوٹی بیٹی نے میرے سامنے کہہ دیں۔
اداکارہ کے مطابق یہ سننے کے بعد میںنے بڑی بیٹی کو اپنے سامنے بٹھایا اور کہا کہ تم ایسا کیسے کہہ سکتی ہو، بیٹی کو بتایا کہ میں نے اس کے لیے وہ کچھ کیا جو اس کے باپ نے اس کے لیے نہیں کیا، میںنے بیٹیوں سے کہا کہ تم ایک مگ مانگتی تھیں، وہ دو لا کر دیتی تھی، بیٹیوں کی ہر خواہش اور ضرورت پوری کی، اس لیے آئندہ دوسری طرف کی بات سن کر یہ بات مت کہنا۔
اداکارہ کے مطابق بغیر حقیقت کو جانے وہ انہیں غلط کیسے کہہ سکتی ہیں، ہاں، اگر وہ غلط ہوں تو وہ انہیں ٹوک سکتی ہیں۔ ان کا کہنا تھا کہ یہ سننے کے بعد بیٹی کے پاس کوئی جواب نہیں تھا اور پھر اسے اپنی غلطی کا احساس ہوگیا اور اس دن کے بعد سے اس نے ایسا دوبارہ نہیں کہا۔
