ماسکو: روس نے امریکی پابندیوں کے اثر سے نمٹنے کے لیے برکس ممالک سے تعاون بڑھا نے کا اعلان کرتے ہوئے کہا ہے کہ امریکا کی جانب سے گلوبل ساوتھ ممالک پر ٹیرف کی پالیسی، ان ممالک کی خودمختاری اور داخلی معاملات میں مداخلت کے مترادف ہے، پابندیاں لگانے کا مقصد صرف معاشی نہیں بلکہ سیاسی بھی ہے۔
غیر ملکی میڈیا کے مطابق روسی وزارتِ خارجہ کی ترجمان ماریا ذاخارووا نے کہا کہ امریکی پابندیاں لگنے کی صورت میں، صورتحال سے نمٹنے کے لیے روس اب گلوبل ساوتھ ممالک اور برکس کے ممبر ممالک کے ساتھ تعاون کو فروغ دے گا۔
