لاہور: اداکارہ ژالے سرحدی نے کہا ہے کہ میں نے اپنی تعلیم اور اپنی شادی کے اخراجات خود اپنے پیسوں سے اٹھائے تھے، میرے خیال میں عورت کی کمائی برکت ہی تھی، تبھی یہ سب کچھ ممکن ہو سکا۔
ایک پوڈ کاسٹ میں گفتگو کرتے ہوئے انہوں نے کہا شوبز میں کاسٹنگ کاچ حقیقت میں موجود ہے اور انہوں نے بھی کیریئر کے آغاز میں اس کا سامنا کیا، اگرچہ پیشکش اتنی جارحانہ نہیں تھی، لیکن پیشکش ضرور ہوئی تھی۔ژالے سرحدی نے بتایا کہ جس شخص نے یہ پیشکش کی تھی، وہ ایک ہدایتکار تھے جو ان سے دو بالش چھوٹا تھے، پیشکش کرنے سے قبل انہوں نے انہیں ایک پراجیکٹ میں یہ کہہ کر ریجیکٹ کر دیا تھا کہ آپ بہت لمبی ہیں، حالانکہ ان کے قد کا اس سے کوئی تعلق نہیں تھا۔
ان کا کہنا تھا کہ کسی نے انہیں واضح الفاظ میں کہا تھا کہ اگر تمہیں اپنا پسندیدہ کردار ادا کرنا ہے تو یہ یہ خواتین تو سوجاتی ہیں، جسے سن کر ان کا دماغ گھوم گیا تھا۔ انہوں نے صاف کہا تھا کہ وہ شوبز میں صرف اپنی تعلیم کو فنڈ کرنے کے لیے کام کر رہی ہیں، اور اگر کسی نے ان سے ایسا کچھ کہا تو وہ تھپڑ مار دیں گی۔
انہوں نے مزید کہا کہ متعلقہ ہدایتکار آج بھی انڈسٹری میں سرگرم ہے، مگر انہوں نے ان کا نام ظاہر نہیں کیا۔
