کراچی: گورنر سندھ کامران ٹیسوری نے کہا ہے کہ کراچی پاکستان کی معیشت کا مرکز ہے، شہر قائد کا تاجر گیس اور پانی مانگ رہا تو کیا غلط ہیں۔
ایکسپو سینٹر میں مائی کراچی نمائش کے شرکا سے خطاب کرتے ہوئے کامران ٹیسوری نے کہا کہ سب کہتے ہیں مائی کراچی جب پیسہ خرچ کرنا ہو تو کہتے ہیں وائے کراچی، ایم کیو ایم کا میئر منتخب ہو گا تو ہی کے فور منصوبہ ملے گا، کے فور کے لیے اگلا میئر ایم کیوایم کا منتخب کرانا ہوگا۔ انہوں نے کہا ایم کیوایم عوامی مسائل کے حل کیلئے اسمبلیوں میں بھرپور آواز اٹھارہی ہے، متحدہ اور چیمبر کے مسائل ایک جیسے ہے، گورنر سندھ نے تجویز دی کہ کیوں نا چیمبر والے ایم کیو ایم میں ضم ہوجائیں۔
