کراچی: سندھ بار کونسل نے سپریم کورٹ کے سینئر وکیل خواجہ شمس الاسلام کے قاتل کی گرفتاری نا ہونے پر (کل) 4 اگست بروز پیر کو صوبے بھر کی عدالتی کارروائی کے بائیکاٹ کا اعلان کر دیا۔ سندھ بار کونسل کے مطابق نامزد ملزم کی جانب سے قتل کا اعتراف کیے جانے کے باوجود اس کی گرفتاری نہ ہونا قابلِ افسوس ہے۔
سندھ بار کونسل نے آئی جی سندھ اور متعلقہ حکام سے مطالبہ کیا ہے کہ ملزمان کو فوری طور پر گرفتار کر کے عدالت میں پیش کریں۔ خواجہ شمس الاسلام کے اہل خانہ کو بھی سنگین نتائج کی دھمکیاں دی جارہی ہیں، قاتل کی عدم گرفتاری سے قانون نافذ کرنے والے اداروں کی بے حسی عیاں ہوتی ہے۔
