اسلام آ باد: پاکستان اور افغانستان کے درمیان ترجیحی تجارتی معاہدے پر باضابطہ طور پردستخط ہوگئے،معاہدے کے تحت دونوں ممالک کی 4،4 برآمدی اشیا پر ٹیکس میں نمایاں کمی کی گئی، انگور، انار، سیب اور ٹماٹر پر پاکستانی درآمدی ٹیرف 60 فیصد سے کم ہو کر27 فیصد ہوگیا جبکہ پاکستانی آم، کینو، کیلا اور آلو کی افغان درآمد پرٹیرف بھی27 فیصد تک محدود کیا گیا ہے۔
افغان سفارتخانے کے مطابق افغان نائب وزیر صنعت و تجارت ملا احمداللہ زاہد نے ترجیحی تجارتی معاہدے پر دستخط کیے اور پاکستان کی جانب سیسیکرٹری تجارت جواد پال نیومعاہدے پر دستخط کیے۔ افغان سفارتخانے کا کہنا ہے کہ یہ معاہدہ یکم اگست 2025 سے نافذ العمل ہوگا ، ایک سال کیلئے موثر ہو گا، معاہدہ قابل تجدید ہے اور مستقبل میں مزید اشیا شامل کرنے کی اجازت دیتا ہے۔
