کراچی: پاکستان سٹاک ایکسچینج نے پہلی بار ایک لاکھ 36ہزار پوائنٹس کی حد عبور کرلی۔پیر کو کاروباری ہفتے کے آغاز پر 100 انڈیکس 1841پوائنٹس بڑھ کر ایک لاکھ 36ہزار 140پوائنٹس کی سطح پر پہنچ گیا۔
ماہرین کے مطابق معاشی اشاریوں میں بہتری، آئی ایم ایف کی جانب سے مثبت اشاروں اور روپے کی قدر میں استحکام نے مارکیٹ کو سہارا دیا ہے،خاص طور پر بینکنگ، توانائی اور ٹیکنالوجی شعبوں میں مثبت سرگرمی آئی ہے۔
ماہرین کے مطابق سرمایہ کار حکومتی پالیسیوں، مالیاتی اصلاحات اور غیر ملکی سرمایہ کاری سے متعلق خبریں خوش آئند سمجھ رہے ہیں،جس کا اثر براہِ راست مارکیٹ کی کارکردگی پر پڑ رہا ہے۔ماہرین کے مطابق رجحان برقرار رہا تو سٹاک مارکیٹ مزید ریکارڈ قائم کر سکتی ہے۔
